Azııa chempıonatynda Aslanbek Shymbergenov qarsylasyn nokaýtpen jeńdi
Qazaqstan quramasynyń kapıtany, 2018 jylǵy Azııa oıyndarynyń kúmis júldegeri, Azııa chempıony Aslanbek Shymbergenov 71 kelige deıingi salmaqta fılıppındik Marjon Pıanıarmen sheberlik baıqasty.
Birinshi raýnd boksshylar bir-birimen barynsha tiresip baqqanymen, Aslanbektiń basymdylyǵy baıqaldy. Al ekinshi raýndta qazaqstandyq boksshy áýeli M.Pıanıardy nokdaýnǵa jiberdi. Sodan keıin taǵy bir soqqymen sulatyp túsirdi.
Búgin sondaı-aq asa jeńil salmaqta Sanjar Táshkenbaı ózbekstandyq Asılbek Djalılovpen judyryqtasady.
Eske sala keteıik, budan buryn bokstan Azııa chempıonatyn Serik Temirjanovtyń jeńispen bastaǵanyn, Sáken Bıbosynovtyń bastapqy kezdesýin sátti ótkizgenin jazǵan bolatynbyz.
Sondaı-aq Nazym Qyzaıbaı Azııa chempıonatynyń ¼ fınalyna ótti.
Azııa chempıonatynda búgin qazaqstandyq úsh boksshynyń rıngke shyǵatyny habarlandy.
Bokstan Azııa chempıonatynda Dýlat Bekbaýov shırek fınalǵa joldama aldy.