Azııa chempıonatynda Álisher Erǵalı kúmis júlde aldy

NUR-SULTAN. QazAqparat - Qazaqstandyq Álisher Erǵalı Ulan-Batyrda ótip jatqan erkin kúresten Azııa chempıonatynda kúmis júldege ıe boldy, dep habarlaıdy QazAqparat tilshisi.

Jambyl oblysynyń ókili Álisher Erǵalı 125 kelige deıingi salmaqta sońǵy básekede ırandyq, eki dúrkin Azııa chempıony Iodallah Mohammadkazem Mohebımen kúsh synasty.

Tartysty ótken beldesýde ırandyq 3:1 esebimen jeńiske jetti.

Taǵy bir qazaqstandyq Ádilet Daýlanbaev 92 kelige deıingi salmaqta úzdik úshtikke ilikti. Ol qola júlde úshin beldesýde japonııalyq Takýma Otsýdan utylyp jatyp, jaýyrynyn jer ıisketip, taza jeńip ketti.

Qazaqstandyq erkin kúres sheberleri Azııa birinshiliginde 1 altyn, 3 kúmis, 4 qola medaldi jeńip aldy.

Endi bıyl qazaqstandyq balýandar Azııa oıyndary men álem chempıonatynda baq synaıdy.

Osylaısha, Mońǵolııa astanasynda kúres túrlerinen alty kúnge sozylǵan Azııa birinshiligi márege jetti.

Eske sala keteıik, budan buryn Nurqoja Qaıpanovtyń Azııa chempıonatynyń kúmis júldegeri atanǵanyn jazǵan bolatynbyz.

Sondaı-aq Azamat Dáýletbekov Azııa chempıony atandy.