ASTANA. QazAqparat - Astana qalasynda ótip jatqan jeńil atletıkadan jabyq keshendegi Azııa chempıonatynda Elına Mıhına top jardy, dep habarlaıdy QazAqparat tilshisi.
Qazaqstandyq jelaıaq áıelder arasynda 400 metrge júgirýde synǵa tústi. 28 jastaǵy atlet atalǵan qashyqtyqty 54.07 sekýndta baǵyndyrdy.
Sondaı-aq erler arasynda 400 metrge júgirýde qazaqstandyq Mıhaıl Lıtvın kúmis júldeger atansa, Aqbaıan Nurmamet 1500 metrge jarysta qola júlde jeńip aldy.
Qazir Qazaqstan qorjynynda 2 altyn, 2 kúmis pen 1 qola medal bar.
10 aqpanda el quramasynan Karolın Chepkoech 3000 metrge júgirýden máre syzyǵyn birinshi bolyp qısa, 60 metrge júgirýde qazaqstandyq Olga Safronova kúmis júldeni jeńip aldy.
Jarysqa 31 elden kelgen 360 sportshy qatysýda. Olar jeńil atletıkanyń 26 túrinen saıysqa túsedi. Qurlyqtyq doda 12 aqpanda máresine jetedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.