Azııa chempıonaty: Qazaqstandyq jas boksshy ekinshi ret jeńiske jetti
23:01, 22 Tamyz 2021
NUR-SULTAN. QazAqparat - Bokstan jastar men jasóspirimder arasyndaǵy Azııa chempıonatynda qazaqstandyq Adaıbek Nııazbaı ekinshi jeńisine qol jetkizdi, dep habarlaıdy QazAqparat tilshisi.
Aıta keteıik, qurlyqtyq doda Birikken Arab ámirliginiń Dýbaı qalasynda ótkizilýde.
Adaıbek Nııazbaı 2005-2006 jylǵy jasóspirimder arasynda 54 keli salmaqta synǵa túsýde. Ol alǵashqy jekpe-jeginde qarsylasyn tóreshiler sheshimimen jeńgen bolatyn.
Ekinshi jekpe-jeginde Adaıbek sırııalyq Mýhammedpen qolǵap túıistirdi. Sharshy alań tórinde ol qarsylasyn eki márte nokdaýnǵa jiberdi. Úshinshi raýndta tóreshiler qazaqstandyq boksshynyń basymdyǵyn bir aýyzdan maquldady.
Adaıbek Nııazbaı buryn Qazaqstan chempıony atanǵan. Sondaı-aq, Serbııada ótken halyqaralyq týrnırde jeńimpaz atandy.