ASTANA. QazAqparat - Taılandtyń Nakhonratchasıma qalasynda ótip jatqan voleıboldan áıelder arasyndaǵy Azııa chempıonatynda Qazaqstan quramasy Úndistannan basym tústi, dep habarlaıdy QazAqparat tilshisi.
Qazaqstandyq voleıbolshylar pleı-off satysynda Úndistannan 3:0 (25:17, 25:17, 25:21) esebimen tize búktirdi.
Budan buryn olar jarystyń atalǵan satysynda Japonııaǵa 0:3 (13:25, 20:25, 18:25) esebimen ese jibergen edi.
Endi el quramasy 5-8 oryndar úshin synǵa túsedi. Aldymen 5 qyrkúıekte Avstralııamen kezdesedi. Jeńse 6 qyrkúıekte odan keıin 5, jeńilgen jaǵdaıda 7 oryn úshin talasady.
Al toptyq kezeńde qazaqstandyq voleıbolshylar D tobynda synǵa tústi. Aldymen Fılıppındi taı-breıkte 3:2 (25:21, 17:25, 24:26, 27:25, 15:6), odan keıin Gonkongty 3:0 (25:16, 25:23, 25:17) esebimen súrindirse, Qytaıdan 0:3 (12:25, 21:25, 10:25 ) esebimen jeńildi.
Aıta ketsek, qazaqstandyq voleıbolshylar Azııa chempıonatyna 12 márte qatysyp otyr. Ázirge eń úzdik jetistigi – 2005 jyly alǵan kúmis medal.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.