Azııa chempıonaty: Qazaqstandyq voleıbolshylar Avstralııany jeńdi

ASTANA. QazAqparat - Taılandtyń Nakhonratchasıma qalasynda ótip jatqan voleıboldan áıelder arasyndaǵy Azııa chempıonatynda Qazaqstan quramasy Avstralııany jeńdi, dep habarlaıdy QazAqparat tilshisi.

Bul 5-8 oryndar úshin pleı-off satysyndaǵy kezdesý bolatyn. Jeńgen qurama 5, jeńilgeni 7 oryn úshin talasatyn edi.

Kezdesý asa tartysty jaǵdaıda ótti. Bes setke sozylǵan oıynda qazaqstandyq voleıbolshylar qarsylasyn 3:2 (25:16, 21:25, 19:25, 25:15, 15:12) esebimen tize búktirdi.

Endi el quramasy 6 qyrkúıekte 5-oryn úshin Ońtústik Koreıamen sheberlik baıqasady.

Qazaqstandyq voleıbolshylar pleı-off satysynda aldymen Japonııaǵa 0:3 (13:25, 20:25, 18:25) esebimen ese jiberse, Úndistannan 3:0 (25:17, 25:17, 25:21) esebimen basym tústi.

Al toptyq kezeńde qazaqstandyq voleıbolshylar D tobynda synǵa tústi. Aldymen Fılıppındi taı-breıkte 3:2 (25:21, 17:25, 24:26, 27:25, 15:6), odan keıin Gonkongty 3:0 (25:16, 25:23, 25:17) esebimen súrindirse, Qytaıdan 0:3 (12:25, 21:25, 10:25 ) esebimen jeńildi.

Aıta ketsek, qazaqstandyq voleıbolshylar Azııa chempıonatyna 12 márte qatysyp otyr. Ázirge eń úzdik jetistigi – 2005 jyly alǵan kúmis medal.