Azııa chempıonaty: Qazaqstandyq boksshy qyzdardyń fınaldaǵy qarsylastary kim

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynyń fınalynda áıelder arasynda tórt qazaqstandyq sportshy altyn júlde úshin talasady, dep habarlaıdy QazAqparat tilshisi.

Burymdylar arasynda fınaldyq básekeler 11 qarasha kúni ótedi.

Sońǵy jekpe-jekte Azııa chempıony, álem birinshiliginiń kúmis júldegeri Alýa Balqybekova 48 kelige deıingi salmaqta japonııalyq Kato Hıkarýmen aıqasady.

El quramasyndaǵy ataqty sportshylardyń biri Jaına Shekerbekova (54 kg) taılandtyq Djýtamas Djıtpongpen judyryqtasady.

Álem chempıonatynyń qola júldegeri Karına Ibragımova (57 kg) Tokıo olımpıadasynyń jeńimpazy, taǵy bir japonııalyq Irıe Senamen qolǵap túıistiredi.

Gúlsaıa Erjan (81 kg) úndistandyq Savıtımen sheberlik baıqasady.

Fınalǵa Úndistan men Japonııadan bes boksshydan shyǵyp otyr. Qazaqstannan tórteý bolsa, Ózbekstan, Taıland jáne Ońtústik Koreıadan eki-ekiden, Vetnam, Taıbeı, Monǵolııa jáne Iordanııadan bir-bir sportshy óz elderiniń namysyn qorǵaıdy.

Bes qazaqstandyq boksshy Nazym Qyzaıbaı (50 kg), Jazıra Oraqbaeva (52 kg), Mádına Nurshaeva (66 kg), Darıǵa Shákimova (70 kg) jáne Lázzat Kúngeıbaeva (+81 kg) chempıonatty qola júldemen qorytyndylady.

Azııa chempıonatynda búgin erlerden 12 qazaqstandyq ½ fınalǵa shyǵady.

Foto: sports.kz