Azııa chempıonaty: boksshy Sáken Bıbosynov kúmis júldeger atandy

ASTANA. QazAqparat – Ammanda (Iordanııa) ótip jatqan Azııa chempıonatynyń fınalynda óner kórsetken qazaqstandyq boksshy Sáken Bıbosynov ózbekstandyq qarsylasynan utylyp qaldy. Bul týraly QazAqparat Sports.kz saıtyna silteme jasap habarlaıdy.

Fınalda 51 kelige deıingi salmaq dárejesinde jekpe-jek ótkizgen Sáken Bıbosynov ózbekstandyq Hasanboı Dýsmatovpen judyryq túıistirdi. Tóreshilerdiń esebinde aıyrmashylyq bolǵanymen, jeńis Ózbekstan boksshysyna berildi. Osylaısha, Sáken Bıbosynov kúmis medaldi ıelendi.

Munyń aldynda qazaqstandyq boksshy japonııalyq Tomoıa Tsýboımen judyryqtasyp, tóreshiler esebimen (5:0) fınalǵa joldama alǵan bolatyn.

Eske salsaq, Iordanııa astanasy Amman qalasynda bokstan ótip jatqan Azııa chempıonatynda búgin erler arasynda 9 qazaqstandyq altyn júldege talasatyny habarlandy.

Foto: sports.kz