Azııa chempıonaty: 3 boksshy fınalǵa shyqty

ASTANA. QazAqparat – Iordanııa astanasy Amman qalasynda ótip jatqan Azııa chempıonatynda Serik Temirjanov jekpe-jek ótkizbesten fınalǵa joldama aldy, dep habarlaıdy QazAqparat tilshisi.

S.Temirjanov keshki sessııada 57 kelige deıingi salmaqta úndistandyq Hýssam Ýddın Mohammedpen judyryqtasýy kerek edi.

Qazaqstan boks federatsııasynyń baspasóz qyzmetinen málim etkenindeı, Serik Temirjanov merziminen buryn fınalǵa shyqty. Onyń úndistandyq qarsylasy rıngke shyqpaıtyn boldy.

Osylaısha, Azııa chempıonatynda qazirdiń ózinde úsh qazaqstandyq sportshy fınalǵa shyqty.

Eske sala keteıik, budan buryn Gúlsaıa Erjannyń Azııa chempıonatynyń fınalyna joldama alǵanyn, Azııa chempıonatynda búgin erlerden 12 qazaqstandyqtyń ½ fınalda shyǵatynyn jazǵan bolatynbyz.

Sondaı-aq qazaqstandyq boksshy qyzdardyń fınaldaǵy qarsylastary anyqtaldy.

Boksshy Sanjar Táshkenbaı Azııa chempıonatynyń fınalyna shyqty.

Taǵy bir qazaqstandyq álem chempıonyn utyp, fınalda.