Azııa chempıonatynda Eldana Tálipova fınalda ózbek boksshysyn qapy qaldyrdy

<p>ASTANA. KAZINFORM &ndash; Taılandtyń Chıangmaı qalasynda bokstan erler men áıelder arasynda ótip jatqan Azııa chempıonatynda Eldana Tálipova altyn júldege ıe boldy.</p>

Jerebege baılanysty fınalǵa birden ótken Eldana asa aýyr salmaqta ózbekstandyq Oltınoı Sotımboevamen aıqasty.

Birinshi raýndta tóreshiler basymdyqty Eldanaǵa berdi – 3:2.

Ekinshi kezeń 4:1 esebimen aıaqtaldy. Qorytyndy nátıje – 4:1.

Osylaısha, bokstan Azııa birinshiliginde fınalǵa shyqqan qazaqstandyq bes arý túgeldeı jeńiske jetip, 5 altyn medaldi oljalady.

Sondaı-aq Áıgerim Sáttibaeva (48 kg), Jazıra Oraqbaeva (52 kg), Uljan Sársenbek (57 kg), Mılana Safronova (66 kg) jáne Dıana Maǵaýıaeva (75 kg) qola júldeger atandy.

Tek qana syrqattanýyna baılanysty jarysqa qatysa almaǵan Alýa Balqybekova (50 kg) men shırek fınalǵa deıin jetken Symbat Álıasqar (54 kg) júldesiz qaldy.

Eske sala keteıik, budan buryn bokstan qazaqstandyq Vıktorııa Grafeevanyń bokstan Azııa chempıony atanǵanyn jazǵan bolatynbyz.

Sondaı-aq bokstan Azııa chempıonatynda Aıda Ábikeeva altyn aldy.

Bokstan Azııa chempıonatynda Natalıa Bogdanova Qazaqstanǵa úshinshi altyndy áperdi.

Bokstan Azııa chempıonatynda Gúlsaıa Erjan altynnan alqa taqty.