ASTANA. KAZINFORM – Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda jarystyń jetinshi kúni Qazaqstannan alǵashqy bolyp Sanjar Táshkenbaı shyqty.
Bokstan álem jáne Azııa chempıony Sanjar Táshkenbaı 48 kelige deıingi salmaqta tájikstandyq Mehron Shafıevpen judyryqtasty.
Birinshi raýndta Sanjar jyldam qımyldap, soqqylaryn dál daryta bildi – 5:0.
Ekinshi kezeńde tájikstandyq boksshy órshelene alǵa umtyldy. Biraq raýnd sońynda nokdaýn alyp qaldy. Bul joly bes tóreshiniń tórteýi Sanjar basym dep tapty. Qorytyndy esep – 5:0.
Búgin Qazaqstan erler quramasynan taǵy tórt boksshy jartylaı fınal joldamasy úshin aıqasady.
Eske sala keteıik, budan buryn bokstan Azııa chempıonatynda jarystyń jetinshi kúni kimder shyǵatynyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).