Azııa chempıonaty: Qazaqstannyń úsh boksshysy nokaýtpen jeńiske jetti

<p>ASTANA. KAZINFORM -&nbsp; Astanada ótip jatqan jastar arasyndaǵy Azııa chempıonatynyń birinshi kúninde qazaq boksshylary sátti óner kórsetti. Bul týraly Sports.kz jazdy.</p>

Týrnır basynda Qazaqstannnyń bes boksshysy jekpe-jek ótkizip, beseýi de jeńiske jetti. Úsh boksshy qarsylasyn nokaýtqa túsirdi.

Alekseı Havantsev (60 keli) birinshi raýndta býtandyq boksshy Dechen Dorjıden basym tússe, Ahmet Úsen (63,5 keli) túrkimenstandyq Mergen Hodjamammedovpen kezdesýin referı úshinshi raýndta toqtatty. Al Sanjar-Alı Begalıev (75 keli) vetnamdyq Fam Dang Lýdy jeńdi. Kezdesý eki raýndqa sozyldy.

Sonymen qatar jarystyń birinshi kúni Qazaqstan quramasynyń sapynda Nurasyl Tólebek (54 keli) ońtústikkoreıalyq boksshy Chjın Chjý Andy aıqyn jeńdi. Al Janseri Kósherbaev (57 keli) taıvandyq Chý Po Chýnıamen ótken jekpe-jekte jeńiske jetti.