Azııa chempıonaty: Qazaqstannyń boksshy qyzdary bir kúnde 5 altyn aldy

<p>Astana qalasynda bokstan jastar arasyndaǵy Azııa chempıonatynda qazaqstandyq qyzdar búgin bes altyn aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jastar arasynda fınalǵa shyqqan bes qazaqstandyq boksshynyń bári de jeńimpaz atandy.

Aldymen 50 kelige deıingi salmaqta Elıanýr Turǵanova úndistandyq Anshýdan jeńisti julyp aldy.

Uljan Sársenbek 57 kelige deıingi salmaqta ózbekstandyq Mýshtarıýbonı Ibrohımjonovaǵa úsh raýnd boıy soqqylaryn dál tıgizip, eki márte Azııa chempıony atandy.

Ásem Tańatar 63 kelige deıingi salmaqta úndistandyq Dıpamen tartysty básekede 4:1 esebimen basymdylyq tanytty.

Baqyt Seıdish 66 kelige deıingi salmaqta ótken jyly Azııada úzdik shyqqan edi. Bıyl sol tabysyn qaıtalap, sońǵy básekede úndistandyq Kajalǵa esh múmkindik qaldyrǵan joq.

Foto: Instagram/boxingkazakhstan

Shuǵyla Nálibaı 75 kelige deıingi salmaqta ózbekstandyq Sanobar Bozorboevany alǵashqy eki raýndta-aq úsh ret nokdaýnǵa jiberip, aıqyn basymdylyqpen jeńdi.

Osylaısha, jasóspirimderdi qosqanda, Qazaqstan qorjynyna 11 altyn medal tústi.

Endi básekeni jas jigitterimiz jalǵastyrady.

Eske sala keteıik, budan buryn bokstan Azııa chempıonatynda Qazaqstan jasóspirimderiniń jalpy esepte 2-oryn alǵanyn jazǵan bolatynbyz.