Azııa chempıonaty: Gandboldan Qazaqstan erler quramasy ekinshi márte jeńildi

<p>Bahreınniń Manama qalasynda gandboldan erler arasyndaǵy Azııa chempıonatynda Qazaqstan quramasy ekinshi márte jeńilip qaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazaqstandyq gandbolshylar D tobynda synǵa túsip jatyr. Qarsylastary – Bahreın, Birikken Arab Ámirligi jáne Gonkong.

Qazaqstandyq gandbolshylar búgin Birikken Arab Ámirligi quramasyna 15:39 esebimen jeńilip qaldy.

Endi el quramasy 15 qańtarda Gonkongpen sheberlik baıqasady.

Eske salsaq, budan buryn qazaqstandyq gandbolshylar Bahreınnen 13:47 esebimen jeńildi.

Aıta ketsek, qurlyqtyq doda nátıjesinde 2025 jyly qysta Horvatııa, Danııa men Norvegııada ótetin álem chempıonatyna 4 qurama joldama alady.

Bahreın osyǵan deıin Azııa chempıonatyn 1993, 2014 jáne 2016 jyly qabyldaǵan. Qazirgi chempıon – Qatar qatarynan 5 Azııa chempıonatynda (2014, 2016, 2018, 2020 men 2022 jyly) top jardy.