ASTANA. KAZINFORM - Qytaıdyń Nanchan qalasynda ótip jatqan baıdarka men kanoede eskek esýden Azııa chempıonatynda Qazaqstan quramasy alǵashqy júldege qol jetkizdi.
El quramasynan Stella Sýhanova 1000 metrge baıdarkamen jarysta kúmis júldeger atandy. Atalǵan qashyqtyqta bas júlde Qytaı sportshysyna buıyrsa, úzdik úshtikti ırandyq sportshylar túıindedi.
Aıta ketsek, el quramasy sapynda 40 adamnan turatyn delegatsııa qurlyqtyq dodaǵa attandy. Delegatsııa quramynda sportshy, jattyqtyrýshy, basshylar men resmı ókilder bar. Jarysta 24 otandasymyz júldege talasady.
Ulttyq quramada Sergeı Emelıanov, Tımofeı Emelıanov, Sergeı Tokarnıtskıı, Marııa Brovkova syndy belgili sportshylar el namysyn qorǵaıdy.
Qurlyqtyq dodaǵa bıyl Azııanyń 20 memleketinen 340 sportshy keldi.
Azııa chempıonaty 1985 jyldan beri turaqty túrde ótkizilip keledi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.