Azııa birinshiligi: Karına Ibragımova álem chempıonyn utyp, fınalǵa shyqty

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Karına Ibragımova jartylaı fınaldyq jekpe-jeginde jeńiske jetti, dep habarlaıdy QazAqparat tilshisi.

Álem chempıonatynyń qola júldegeri K.Ibragımova 57 kelige deıingi salmaqta fılıppındik Nestı Petesıomen judyryqtasty.

N.Petesıo – 2019 jyly álem chempıony atanǵan tanymal sportshy. Degenmen Karına boıy men qolynyń uzyndyǵyn jaqsy paıdalanyp, qarsylasyn jaqyndatpaı urýǵa tyrysty. Bul taktıka óz jemisin berdi. Ekinshi raýndta fılıppındik boksshy referıden eskertý de aldy. Qazaqstandyq sportshynyń jeńgenine tóreshiler de eshqandaı kúmán keltirgen joq – 5:0.

Osylaısha, Karına Ibragımova Jaına Shekerbekova men Alýa Balqybekovadan keıin fınalǵa shyqty.

Endi búgin Qazaqstannan rıngke shyǵatyn Darıǵa Shákimova men Gúlsaıa Erjan ǵana qaldy.

Eske sala keteıik, budan buryn Azııa chempıonatynda búgin toǵyz qazaqstandyq boksshynyń fınalǵa shyǵý úshin talasatynyn jazǵan bolatynbyz.

Sondaı-aq Nazym Qyzaıbaı Azııa chempıonatynyń qola júldegeri atandy.

Jaına Shekerbekova Azııa chempıonatynyń fınalyna shyqty.

Mádına Nurshaeva Azııa chempıonatynda «qolany» qanaǵat tutty.

Azııa chempıonatynda Qazaqstan qorjynyna taǵy bir «qola» tústi.

Alýa Balqybekova Azııa chempıonatynyń fınalyna shyqty.

Jazıra Oraqbaeva Azııa chempıonatynyń qola júldegeri atandy.

Foto: prosports.kz