«Azııa-Avto» zaýytynyń ornyna ınvestor tabylmaı jatyr

<p>ASTANA. KAZINFORM &ndash;Ónerkásip jáne qurylys mınıstri Qanat Sharlapaev Úkimet otyrysynan keıin ótken baspasóz máslıhatynda Óskemendegi &laquo;Azııa-Avto&raquo; kásipornynyń taǵdyry týraly pikir bildirdi.</p>

«Azııa-Avto» kásiporny jumysyn toqtatqan kezde sol kezdegi oblys ákimi Danıal Ahmetov sot protsesteri ótkennen keıin basqa ınvestor keletinin, qazirdiń ózinde birneshe ınvestor qyzyǵýshylyq tanytyp otyrǵanyn aıtqan edi. Ol ınvestorlar áli de «Azııa-Avtonyń ornyn basýǵa daıyn ba?» - dep surady jýrnalıst.

Qanat Sharalapevtyń eks-ákimniń sózi úshin jaýap bermeıtinin aıtty.

«Azııa-Avtonyń» taǵdyry týraly aıtsaq, ár adam óz aıtqan sózine jaýapty ǵoı. Ákimniń ne aıtqanyn bilmeımin, estimedim. Biraq, árıne, osyndaı úlken terrıtorııa bolsa, úlken ǵımarat bolsa, ınfraqurylymmen qamtamasyz etilse, ony paıdalaný kerek. Bosqa qaldyrýǵa bolmaıdy. Dál qazir bizde mınıstrlik deńgeıinde eshqandaı ınvestordyń qyzyǵýshylyǵy joq. Biraq ózińiz bilesiz, kásiporynǵa baılanys áli sot júrip jatyr. Sot aıaqtalǵannan keıin osy kásiporynnyń, ǵımarattardyń, jer telimderiniń ıelerin anyqtaımyz. Odan keıin osy kisilermen ınvestor izdeýge tyrysamyz», - dedi ol.

Ónerkásip komıtetiniń tóraǵasy Azamat Panbaev qazirgi tańda kásiporynǵa tıesili ǵımarat pen ınfraqurylymnyń kimniń menshiginde ekenin aıtty.

«Qazir sot protsesi júrip jatyr. Múliktiń bári buǵattaýly. Bizdiń mınıstrlik pen qarjylandyrǵan bank jábirlenýshi tarap retinde sotqa qatysyp júr. Sottyń sheshimi áli shyqqan joq. Biraq múlik buǵattaýly», - deıdi mınıstrlik mamany.