«Áziret Sultan» meshitiniń bas ımamy aýysty
Jınalǵan qaýymǵa: «Men ózim ǵylym-bilimge qushtar janmyn. Ózderińiz bilesizder, ǵylym joly - aýyr jol. Oǵan arnaıy ýaqyt pen tıisinshe kóńil bólinýi tıis. Bıyl PhD doktorantýrasynyń sońǵy jylyndamyn. Osyǵan baılanysty Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynan meni «Áziret Sultan» meshitiniń bas ımamy qyzmetinen bosatýyn suradym. Bas múftı meshitten bosatsa da, naıb múftılik qyzmetten jibere almaıtynyn bildirdi», - dedi. Sondyqtan Qaırat Joldybaıuly burynǵysha QMDB júıesinde naıb múftı bolyp ári Astana qalasynyń ókildiginde qala bermek.
Juma namazyna Dinı basqarma tóraǵasy, Bas múftı Erjan qajy Malǵajyuly qatysyp, Qaırat Joldybaıulynyń dinı basqarmanyń jumystaryna qosqan mol úlesin aıtyp, óziniń jáne Qazaqstan musylmandarynyń atynan alǵysyn bildirip, ıyǵyna shapan japty. Sonymen qatar, Astana qalasy máslıhatynyń hatshysy Esilov Sansyzbaı Seıtjanuly Astana qalasynyń ákimi Imanǵalı Nurǵalıulynyń atynan alǵys hat tapsyrdy.
Sondaı-aq, «Áziret Sultan» meshiti Aqyldastar alqasynyń múshesi Amangeldi Qurmanǵalıev, erejesiz jekpe-jekten álemniń úsh dúrkin chempıony Ardaq Nazarov, Astana qalasy Almaty aýdanynyń ákimi Saǵyn Bekbol Ubaıdýllauly sóz alyp, Qaırat Joldybaıulyna izgi tilekterin bildirdi.
Meshitte atqarylǵan izgi is-sharalarǵa demeýshilik jasap júrgen jany jomart kásipkerlerdiń atynan «Alit» kompanııasynyń bas dırektory, kásipker Nurlan Áljanqulov sóz sóılep, Qaırat Joldybaıulyna sheteldik avtokóliktiń kiltin syılady.
Sóz sońynda Bas múftı Erjan qajy Malǵajyuly qulshylyq ordasy ǵana emes, rýhanı-aǵartý ordasyna aınalýǵa tıisti «Áziret Sultan» meshitiniń bas ımamdyǵyna QMDB-nyń tóraǵa orynbasary, naıb múftı Serikbaı Oraz taǵaıyndalǵanyn habarlap, tapsyrylǵan jumysty ary qaraı jalǵastyrýǵa sáttilik tiledi.