Azyq-túlik alýǵa ózim baramyn – Serik Jumanǵarın

<p>Úkimet basshysynyń orynbasary Serik Jumanǵarın Úkimette tilshilerdiń suraǵyna jaýap berip, qarapaıym tutynýshy retinde azyq-túlik sýpermarketterine qatysty pikir bildirdi, dep habarlaıdy Kazinform agenttigi.</p>

«Aıyna eki ret azyq-túlik alýǵa ózim baramyn. Kóp jaǵdaıda ýaqytym bola bermeıdi, issaparlarda jıi júremin. Negizinen iri sýpermarket jelilerinen azyq-túlik alamyn», - dedi S. Jumanǵarın.

Vıtse-premer qarapaıym tutynýshy retinde keı taýarlardyń sapasyna kóńili tolmaıtynyn aıtty.

«Sońǵy jarty jylda jumyrtqa baǵasy aıtarlyqtaı qymbattap ketipti. Ósimdik maıyn únemi qadaǵalap júremin, óıtkeni onyń baǵasyn turaqty ustaý týraly kelisimder bar. Suıyq maı kerisinshe arzandap jatyr, maı uıymy óz mindettemelerin jaqsy oryndap keledi. Sosyn dúkenderde assortıment kóbeıip keledi. Biraq bul satyp alý qabiletine qalaı áser etetinin bilmeımin. Men saýda jelilerimen jıi sóılesemin, óıtkeni ortasha chek jáne saýda jelileriniń satylymy eldiń ekonomıkalyq ál-aýqatynyń mańyzdy kórsetkishi bolyp sanalady. Eger satylym baıaýlap, quldyraı bastasa, bul jaman belgi», - dedi S. Jumanǵarın.

Buǵan deıin Serik Jumanǵarın Reseı Federatsııasynyń prezıdenti Vladımır Pýtınniń Qazaqstanǵa sapary jóninde pikir bildirgen edi.