Azıadanyń úshinshi kúni qazaq sportshylary úshin sátti aıaqtaldy
Jarystyń úshinshi kúni qazaq sportshylary úshin sátti aıaqtady. Búgin qorjynymyzǵa alǵashqy altyn medal tústi. Sonymen qatar bir kúmis jáne bir qola medalǵa da qol jetkizdik.
Altyn medaldy shańǵy sportynan 15 shaqyrymdyq jekeleı synda Rınat Mýhın jeńip alsa, kúmisti 1000 metrge konkımen júgirýshiler saıysynda Denıs Kýzın qanjyǵasyna baılady. Al shańǵyshy Elena Kolomına qola medaldy enshiledi. Ol keshe el qorjynyna alǵashqy júlde - kúmis medal salǵan bolatyn.
Osylaısha, bir kúnde úsh medal oljalaǵan otandastarymyz jalpy esepte Japonııa, Ońtústik Koreıa jáne Qytaıdan keıingi tórtinshi orynda keledi.
Búgin medaldar sany jaǵynan jergilikti sportshylar Ońtústik Koreıa quramasyn basyp ozdy. Olardyń enshisinde 8 altyn, 8 kúmis, 7 qola bar. Al ekinshi oryndaǵy koreıalyqtardyń qorjynynda 6 altyn, 7 kúmis, 7 qola medal bar.
Al Qazaqstan quramasynan bir saty joǵary turǵan Qytaı eliniń sportshylary 5 altyn, 3 kúmis, 5 qola medalǵa ıe boldy. Taǵy bir aıta keterligi búgin Katar sportshylary da bir altyn medal ıelenip, besinshi orynǵa jaıǵasty.
Sonymen Sapporo qalasynda ótip jatqan VІІІ qysqy Azııa oıyndarynyń alǵashqy úsh kúninde jalpy qatysyp jatqan 29 memleketten 5 eldiń sportshylary ǵana medal alyp úlgerdi.