Qytaıdyń Hanchjoý qalasynda ótip jatqan Azııa oıyndarynyń alǵashqy jarys kúninde Qazaqstan quramasynyń medaldar kestesinde qaı orynda turǵany belgili boldy, dep habarlaıdy QazAqparat tilshisi.
Alǵashqy jarys kúninde dzıýdodan Abıba Ábýjaqynova (48 keli) kúmis, Maǵjan Shamshadın (60 keli) qola júldeger atandy.
Nátıjesinde Qazaqstan eki júldemen medaldar kestesinde onynshy orynǵa jaıǵasty.
Jalpy alǵanda 24 qyrkúıekte barlyǵy 18 eldiń sportshylary júldege qol jetkizdi.
Kósh basynda 29 (19 altyn, 7 kúmis, 3 qola) medalmen Qytaı quramasy tur.
Odan keıingi oryndardaǵy Ońtústik Koreıanyń - 14 (5-4-5) jáne Japonııanyń - 13 (2-6-5) medali bar.
Aıta ketsek, Qazaqstan Hanchjoý qalasyna 30 sport túrinen 524 atlet (262 er, 262 áıel) alyp bardy.
Dúbirli dodada sporttyń 8 túrinen: boks, sadaq atý, qazirgi bessaıys, júzý, breıkıng, kógaldaǵy hokkeı, tennıs pen jeńil atletıkadan Parıj Olımpıadasyna lıtsenzııa oınatylady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.