Azıadaǵa qazaq sportshylaryn shyǵaryp salatyn kún belgili boldy
13:37, 09 Aqpan 2017
ASTANA. QazAqparat - Japonııanyń Sapporo qalasynda ótetin VIII qysqy Azııa oıyndaryna qatysatyn sportshylarymyzdy saltanatty túrde Almaty qalasynan shyǵaryp salady, dep habarlaıdy QazAqparat tilshisi.
Shyǵaryp salý rásimi 11 aqpan kúni Balýan Sholaq atyndaǵy sport saraıynda ótedi. Shara barysynda delegatsııanyń tý ustaýshysyna memlekettik tý tapsyrylyp, onyń ant berýi oqylady. Sondaı-aq, sportshylar men bapkerler tilshiler qaýymynyń suraqtaryna jaýap beredi.
"2017 jyly Sapporoda ótetin Azııa oıyndaryna qatysatyn Qazaqstan quramasynyń sapynda Denıs Ten, Elızabet Tursynbaeva (mánerlep syrǵanaý), Roman Krech (konkımen júgirý sporty), Dmıtrıı Reıherd (frıstaıl) syndy atletter, shaıbaly hokkeıden erler jáne áıelder komandalary bar. VIII qysqy Azııa Oıyndarynyń ashylý saltanatynda Qazaqstannyń týyn shańǵyshy Erdos Ahmadıev ustap shyǵady.
Esterińizge sala keteıik, VIII qysqy Azııa oıyndary Sapporo qalasynda 19-26 aqpan aralyǵynda ótedi.