Azıada: Qazaqstandyq boksshy qyzdar fınalǵa joldama úshin synǵa túsedi

<p>Sársenbi, 4 qazan kúni Qytaıdyń Hanchjoý qalasynda ótip jatqan HІH Azııa oıyndarynda 33 medal jıyntyǵy sarapqa salynady, dep habarlaıdy QazAqparat tilshisi.</p>

57 kelige deıingi salmaqta ½ fınalda qazaqstandyq boksshy Karına Ibragımova tájikstandyq Mıjgona Samadovamen rıngke shyǵady, al 66 kelige deıingi salmaqta Natalıa Bogdanova taı boksshysy Sývannafeng Djandjaımen kezdesedi.

Aralas komandalar arasyndaǵy shırek fınalda qazaqstandyq sadaqshylar Adel Jeksenbınova men Andreı Tıýtıýn óner kórsetedi. Olar Taıland sportshylarymen jartylaı fınalǵa shyǵý úshin kúsh synasady.

Qazaqstandyq veloshabandozdar Rınata Sultanova men Mahabbat Úmitjanova tas joldaǵy velosporttan fınaldyq jarysqa qatysady.

Sársenbi kúni grek-rım kúresinen jarys bastalady. Búgin tórt medal jıyntyǵy sarapqa salynady. Qazaqstan namysyn Meıirjan Shermahanbet (67 keli), Maqsat Saılaý (87 keli), Aıdos Sultanǵalı (60 keli), Azat Sadyqov (77 keli) qorǵaıdy.

Komandalyq sport túrleri boıynsha sý dobynan Qazaqstan erler quramasy Sıngapýr komandasymen, al voleıboldan Qazaqstan áıelder quramasy taılandtyq qarsylastarymen kezdesedi.

4 qazan kúngi tańerteńgi kórsetkish boıynsha Qazaqstan quramasynyń qorjynynda 47 medal bar - 5 altyn, 10 kúmis jáne 32 qola. Medaldyq esepte Qazaqstan 13-shi orynda. Medaldyq esepte TOP-3-ke Qytaı (297: 161-90-46), Japonııa (130: 33-47-50) jáne Ońtústik Koreıa (139: 32-42-65) kiredi.