Azıada: Gandboldan Qazaqstan qyzdar quramasy Ózbekstannan basym tústi
15:23, 27 Qyrkúıek 2023
<p>Qytaıdyń Hanchjoý qalasynda ótip jatqan XIX jazǵy Azııa oıyndarynda gandboldan Qazaqstan áıelder quramasy ekinshi kezdesýinde Ózbekstannan basym tústi, dep habarlaıdy QazAqparat tilshisi.</p>
Qazaqstandyq gandbolshylar A tobynda synǵa túsedi. Qarsylastary - Ońtústik Koreıa, Taıland jáne Ózbekstan.
Ekinshi kezdesýinde el quramasy Ózbekstandy 37:33 esebimen tize búktirdi.
Eske salsa, alǵashqy oıynynda olar Taılandtan 44:20 esebimen basym túsken edi.
Endi qazaqstandyq gandbolshylar 30 qyrkúıekte Ońtústik Koreıamen sheberlik baıqasady.
Árbir toptan alǵashqy eki oryndaǵy quramalar jarystyń kelesi satysyna shyǵyp, júldelerdi sarapqa salýǵa múmkindik aldy.
Qazaqstan áıelder quramasy 2002, 2006 jyldary Azııa oıyndarynda chempıon atandy.
Al elimizdiń erler quramasy S tobynda Bahreınnen 22:45 esebimen jeńilip, Ózbekstannan 31:27 esebimen basym tústi.