Azıada aldynda eskek esýshiler el birinshiligine qatysady

ASTANA. QazAqparat -  Akademııalyq eskek esýden Jazǵy Azııa oıyndary aldyndaǵy Qazaqstan chempıonaty bastalady, dep habarlaıdy QazAqparat tilshisi. 

QR UOK baspasóz qyzmeti taratqan málimette kórsetilgendeı, el birinshiligi shildeniń 14-18 aralyǵynda Temirtaýdaǵy Samarqan sý qoımasynda ótedi.

Qazaqstan chempıonatyna elimizdiń úsh oblysy men bir qalasynan sportshylar qatysady. Atap aıtar bolsaq, Qaraǵandy, Batys Qazaqstan, Túrkistan oblystary, sondaı-aq, Astana qalasynyń eskek esýshileri ózara baq synaıdy.

Qazaqstan birinshiliginde baby men baǵy qatar shapqan sportshylar arasynan Jazǵy Azıada oıyndaryna qatysatyn ulttyq qurama músheleri jasaqtalady. Sportshylar el birinshiliginde 2 kılometrge 14 olımpıadalyq baǵdarlama boıynsha jarysady.

Eske sala keteıik, Jazǵy Azııa oıyndary Djakartada (Indonezııa) 18 tamyz ben 2 qyrkúıek aralyǵynda ótedi.