Azıada-2023: Abıba Ábýjaqynova fınalda kúresedi

<p>Dzıýdoshy Abıba Ábýjaqynova (48 kg deıingi salmaq) Qytaıdyń Hanchjoý qalasynda ótip jatqan HІH jazǵy Azııa oıyndarynyń fınalyna shyqty, dep habarlaıdy <a href="https://kaz.inform.kz/" target="_blank" rel="noopener">QazAqparat </a>Sportty damytý dırektsııasynyń baspasóz qyzmetine siltep.</p>

Otandasymyz jartylaı fınalda Ońtústik koreıalyq Lı Hek Engti jeńdi. Sál erterekte Ábıba alǵashqy beldesýinde Fılıppın sportshysyn vazarı ádisimen, odan keıin Soltústik Koreıa palýanyn utqan.

Erler arasynda Maǵjan Shamshadın (60 kg) jartylaı fınalda ońtústik koreıalyq Lı Harımge (2023 jylǵy álem chempıonatynyń qola júldegeri) ese jiberdi. Endi ol qola medal úshin kúresetin palýandy kútedi.

Sonymen qatar saǵat 16:00-de taǵy bir otandasymyz Ǵalııa Tynbaeva (52 kg) qola medal úshin talasady. Ǵalııa shırek fınalda Mońǵolııa dzıýdoshysyna ese jibergenimen, jubanysh beldsýinde Ahlııa Mýmınovadan (Tájikstan) aılasyn asyrdy.

Al Ulttyq qurama sportshysy Ǵusman Qyrǵyzbaev 1/8 aınalymda Lıvan palýanyn jeńgen. Alaıda kelesi kezdesýde Tájikstan sportshysynyń myqty ekenin moıyndady.