Azıada-2018: Voleıbolshy qyzdarymyz Qytaıdan oısyraı utyldy

ASTANA. QazAqparat - Búgin Indonezııa astanasy Jakarta qalasynda ótip jatqan Azııa oıyndarynda voleıbolshy qyzdarymyz Qytaıdan oısyraı utyldy, dep habarlaıdy QazAqparat tilshisi.

QR UOK baspasóz qyzmeti málim etkendeı, voleıboldan Qazaqstan áıelder komandasy Azııa oıyndarynyń aıasynda Qytaı komandasymen kezdesip, jeńiliske ushyrady.

Voleıbolshy qyzdar Qytaıǵa 0:3 esebimen jol berdi.

Úsh partııanyń qorytyndysy: 25:14, 25:15. 25:11

Qytaı men Ońtústik Koreıany alǵa jibergen Qazaqstan komandasy «V» tobynda úshinshi orynda keledi.

Aıta keteıik, qázirgi ýaqytta Qazaqstan quramasy 4 altyn, 7 kúmis jáne 26 qola medalmen, jalpy esepte 11-orynda keledi.