Azıada-2018: Voleıboldan Qazaqstan qyzdary Úndistan quramasyn qapy qaldyrdy

ASTANA. QazAqparat - Búgin Indonezııada ótip jatqan Jazǵy Azııa oıyndarynda voleıboldan Qazaqstan qyzdar komandasy Úndistan quramasymen kezdesip, jeńiske jetti, dep habarlaıdy QazAqparat tilshisi.

QR UOK málim etkendeı, qazaqstandyqtar úsh set qorytyndysy boıynsha, 25:8, 25:19, 25:23 esebimen basym tústi.

Voleıbolshy qyzdar aldyńǵy eki matchtyń birinde Taıpeıdi jeńip, ekinshisinde Ońtústik Koreıadan utylǵan bolatyn.

«V» tobynda Qazaqstan úshinshi orynda keledi.

Aıta keteıik, elimiz sportshylary búgin dál qazirgi esep boıynsha 2 altyn, 6 kúmis, 16 qola medalmen 12-shi orynda keledi. Búgin, Qazaqstan qorjynyna ekinshi altyndy veloshabondoz Alekseı Lýtsenko saldy.

Azııa oıyndary 2 qyrkúıek kúni óz máresine jetedi.