Azıada-2018: Taekvondoshy Nurlan Myrzabaev jartylaı fınalǵa shyqty
13:06, 22 Tamyz 2018
ASTANA. QazAqparat - Indonezııada ótip jatqan HVIII Jazǵy Azııa oıyndarynda 80 kelige deıingi salmaqta synǵa túsken Nurlan Myrzabaev jartylaı fınalǵa shyqty, dep habarlaıdy QazAqparat tilshisi.
QR UOK baspasóz qyzmeti málim etkendeı, búgin 80 kelige deıingi salmaqta Nurlan Myrzabaev pen 63 kelide Qazybek Bahtııaruly baq synady.
80 kelige deıingi salmaqta synǵa túsken Nurlan Myrzabaev Azııa oıyndarynyń jartylaı fınalyna jetti. Al Myrzabaev shırek fınalda qyrǵyzstandyq Akbar Aıtahýnovty 22:2 esebimen oısyrata jeńdi.
Jartylaı fınalda bizdiń sportshy Ońtústik Koreıa ókili Lı Hva Chjýnmen aqtyq básekeniń joldamasyn sarapqa salady.
Ókinishke qaraı, 63 kelide el namysyn qorǵaǵan Qazybek Bahtııaruly ekinshi aınalymda Taıpeı sportshysynan oısyraı jeńilip, jarysty aıaqtady.