Azıada-2018: Sýǵa júzýden úsh qazaqstandyq fınalǵa ótti
10:17, 23 Tamyz 2018
ASTANA. QazAqparat - Indonezııada ótip jatqan Jazǵy Azııa oıyndarynda sýda júzýden kezekti jarys kúni bastaldy, dep habarlaıdy QazAqparat tilshisi.
QR UOK-niń baspasóz qyzmeti málim etkendeı, búgin Jakartada sýda júzýden Qazaqstan sapynan úsh sportshy fınaldyq kezeńge ótti.
Batterflıaı ádisimen 50 metrge júzýden Ádilbek Mýsın - fınalda. Óz tobynda birinshi oryn ıelengen Mýsın jalpy irikteý kezeńin 3-shi orynmen aıaqtady.
Sondaı-aq, 50 metrge brass ádisimen júzýde Adelaıda Pchelıntseva 8-shi orynmen aqtyq básekege joldama aldy.
100 metrge erkin ádispen júzgen Ádil Qasqabaı da 8-shi nátıje kórsetip, fınalda júldege talasý múmkindigine ıe boldy.
Sýǵa júzýden aqtyq saıystar búgin saǵat 17:00-de bastalady.