Azıada-2018: Qazaqstandyq jeńil atlet 800 metrge júgirýden fınalǵa shyqty

ASTANA. QazAqparat - Indonezııada ótip jatqan Jazǵy Azııa oıyndarynda búgin qazaqstandyq jeńil atlet Margarıta Mýkasheva 800 metrge júgirýden fınalǵa shyqty, dep habarlaıdy QazAqparat tilshisi.

QR Ulttyq Olımpıadalyq komıtettiń baspasóz qyzmetiniń habarlaýynsha, búgin Jakartadaǵy jarysta Azııa oıyndarynda jeńil atletter dodasy jalǵasty.

800 metrge júgirýden el namysyn qorǵaıtyn Margarıta Mýkasheva irikteý kezeńinde úshinshi orynǵa ıe bolyp, fınaldyq kezeńde júgirýge múmkindik aldy. Onyń ýaqyt kórsetkishi - 2:04.52.

Іrikteý kezeńinde qazaqstandyq atlettiń aldyn Bahreın jáne Japonııa sportshylary orap ketti.

Qazirge Qazaqstan quramasy Indonezııada ótip jatqan Azıada-2018 oıyndarynyń jalpy qorytyndysy 6 altyn, 8 kúmis jáne 28 qola medalmen jalpy esepte 11-shi oryndy saqtap tur.