Azıada-2018: Qazaqstandyq dzıýdoshylardyń alǵashqy qarsylastary belgili boldy

ASTANA. QazAqparat - Keshe Jakartada dzıýdo boıynsha Azııa oıyndarynyń jerebesi tartylyp, qazaqstandyq balýandardyń alǵashqy qarsylastary belgili boldy, dep habarlaıdy QazAqparat tilshisi.

QR Dzıýdo federatsııasy baspasóz qyzmetiniń qabarlaýynsha búgin tatamıge 4 salmaq boıynsha balýandar beldesedi. Erler: -60 kg, -66 kg; áıelder: -48 kg, -52 kg.

Eldos Smetovtyń (-60 kg) alǵashqy qarsylasy ındonezııalyq Mohammed Lıývıs. Ony jeńse otandasymyz Otar Bestaev (Qyrǵyzstan)\Iong Djae An (Soltústik Koreıa) jubynyń jeńimpazymen kezdesedi. Al Eldos Jumaqanov (-66 kg) bolsa, jarysqa ekinshi aınalymnan qosylady. Onyń qarsylasy Erkembaıar Battogtoh (Mońǵolııa)/Sýrasak Pýntanman (Taıland) arasyndaǵy kezdesýde anyqtalady.

Qyzdar arasynan Otgontsetseg Galbadrah (-48 kg) ta jarysqa ekinshi aınalymda qosylady. Al Kámshat Qarasaıqyzy (-52 kg) bolsa, Soltústik Koreıalyq Song Sın Rımmen kúresedi.

Esterińizge sala ketsek, búgin Jakartada ótip jatqan Azııa oıyndarynda dzıýdo boıynsha saıystar Astana ýaqytymen saǵat tańǵy 8:00-de bastalady.