Azıada-2018: Qazaqstandyq djıý-djıtsý sheberleri qorjynǵa taǵy eki «qola» saldy

ASTANA. QazAqparat - Qazaqstandyq djıý-djıtsý sheberleri Nurjan Seıdýáli men Nartaı Qajekov Azıada oıyndarynyń qola júldegerleri atandy. Nurjan men Nartaıdyń júldesimen Qazaqstan quramasynyń qola medaldar sany 21-ge jeti, dep habarlaıdy QazAqparat tilshisi.

56 kelige deıingi salmaqta otandasymyz Ózbekstannan kelgen qarsylasy Aqmal Ámirovty tize búktirdi. Nurjan Seıdýáli odan buryn fılıppındik jáne ındonezııalyq jáne túrikmenstandyq qarsylastarynan basym túsken bolatyn. Al 69 kelige deıingi salmaqta Nartaı Qajekov úshinshi oryn úshin beldesýde túrikmenstandyq Jálálmuhamet Hodjamýradovtan basym tústi.

Eske sala ketsek, búgin velosporttan jekeleı synda qazaqstandyq Alekseı Lýtsenko jeńimpaz atanyp, úshinshi altyndy el qorjynyna salǵan bolatyn. Nátıjesinde Qazaqstan quramasy Azııa oıyndaryndaǵy jalpy esepte Mońǵolııany artqa syrǵytyp, 12-shi orynnan 11-shy orynǵa kóterildi.

Dál qazirgi esep boıynsha Qazaqstan enshisinde 3 altyn, 7 kúmis, 21 qola medal bar.