Azıada-2018: Qazaqstandyq boksshy alǵashqy aıqasyn jeńispen bastady
14:54, 24 Tamyz 2018
ASTANA. QazAqparat - Búgin Indonezııada ótip jatqan Jazǵy Azııa oıyndarynda qazaqstandyq boksshy Aslanbek Shymbergenov alǵashqy aıqasyn jeńispen bastady, dep habarlaıdy QazAqparat tilshisi.
QR UOK baspasóz qyzmeti málim etkendeı, búgin Jakartadaǵy Azııa oıyndarynda boksshylar básekesi bastaldy.
Qazaq boksshylarynyń arasynan alǵash bolyp 69 kelidegi Aslanbek Shymbergenov sharshy alańǵa shyǵyp, ındonezııalyq qarsylasyn 5:0 esebimen tize búktirip, 1/8 fınalǵa ótti.
Búgin Azat Mahmetov pen Sánııa Sultanqyzy da Azıadadaǵy alǵashqy jekpe-jekterin ótkizedi.