Azıada-2018: Qazaqstandyq balýan qola medaldy jeńip aldy

ASTANA. QazAqparat - Indonezııada ótip jatqan HVIII Jazǵy Azııa oıyndarynda búgin grek-rım kúresinen 87 kelige deıingi salmaqta el namysyn qorǵaǵan Azamat Qustybaev Azııa oıyndarynyń qola júldegeri atandy. Bul týraly QazAqparat tilshisi QR Ulttyq Olımpıadalyq komıtettiń bapasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, qola júlde úshin tartysta Azamat úndistandyq balýandy 6:3 esebimen jeńdi.

Azamat Azııa oıyndaryndaǵy alǵashqy kezdesýinde tájirıbeli ózbek balýany Rýstam Assakalovqa ese jibergen edi.

Jubanysh beldesýinde qazaqstandyq sportshy qyrǵyzstandyq Samat Shırdakovty jeńdi.

Eske sala keteıik, grek-rım kúresiniń ókilderi keshe bir kúmis, bir qola medal ıelengen bolatyn.