Azıada-2018: Qazaqstandyq 2 atlet jartylaı fınalǵa shyqty

ASTANA. QazAqparat - Búgin Indonezııa astanasy Jakarta qalasynda ótip jatqan Azııa oıyndarynda 400 metrge júgiretin eki atlet jartylaı fınalǵa shyqty, dep habarlaıdy QazAqparat tilshisi.

QR Jeńil atletıka federatsııasy málim etkendeı tańerteńgi baǵdarlamada erler arasynda 400 metrge júgirýdiń irikteý básekeleri ótti.

Startqa 29 sportshy shyqty. Olardyń arasynda eki qazaqstandyq bar. Uıymdastyrýshylar atletterdi 5 jolaqqa bólip júgirtti. Jartylaı fınalǵa ár jolaqta júgirgenderdiń alǵashqy tórteýi jáne ýaqyt kórsetkishi joǵary tórteýin kelesi kezeńge ótkizdi.

Soltústik Qazaqstan oblysynyń týmasy Mıhaıl ekinshi topta júgirip, márege birinshi keldi. Jerlesimizdiń ýaqyt kórsetkishi - 46.43 sekýnd.

Taǵy bir otandasymyz Andreı Sokolov besinshi topta júgirip, márege úshinshi bolyp jetti (48.26 sek.). Ol bul toptaǵy kóshbasshysy Arýna Sınghapýrajý (Shrı-Lanka) men Álı Hamısýden (Bahreın) qalyp qoıdy. Ázirge Lıtvın jalpy esepte jetinshi orynda. Sokolov, tıisinshe, 17-orynda tur.

Іrikteý kezeńinde eń úzdik ýaqytty 2017 jyly Bhýanbaeshvarda ótken Azııa chempıonatynda top jarǵan Muhammed Anas ıAhııa (Úndistan) kórsetti - 45.63 sekýnd. Odan keıin katarlyq jelaıaq Mohamed Abas bar (45.81 sek.). Úshtikti shrı-lankalyq Kalınga Heva Kýmaraj (45.99 sek.) qorytyndylap tur.

Endi, jartylaı fınal búgin keshke ótse, jeńimpaz ben júldegerler erteń fınalda anyqtalady.

Foto : altayproteam.kz