Azıada-2018: Qazaqstan jalpy esepte 12-shi orynǵa syrǵyp ketti
Esterińizge sala keteıik, búgin qazaqstandyq sportshylar Azııa oıyndarynda sporttyń 10 túrinen baq synady. Alaıda, eki sport túrinen 4 qola medal ǵana jeńip alyp, 12-shi orynǵa syrǵyp ketti.
Aıtalyq, osyǵan deıin qabarlaǵanymyzdaı búgingi kúnniń alǵashqy qola júldesin tatamı sheberi Galbadrah Otgontsetseg jeńip alsa, ekinshi qolany taǵy bir dzıýdoshy Eldos Jumaqanov ıelendi. Al úshinshi qola medalǵa velotrekten Artem Zaharov qol jetkizse, tórtinshi qola medaldi jeńil atletıkadan 400 metrge aralas estafetadan júgirýden Qazaqstan quramasy enshiledi.
Búgingi kúnniń qorytyndysy boıynsha Qazaqstan quramasy 8 altyn, 9 kúmis, 34 qola medalmen jalpy esepte 12-shi orynǵa turaqtady.
Al kósh basynda jarystyń alǵashqy kúninen beri qaraı Qytaı quramasy kele jatyr olardyń enshisinde dál qazirgi kórsetkish boıynsha 102 altyn, 67 kúmis, 50 qola (219) medal bar. Al ekinshi orynǵa 52 altyn, 47 kúmis, 63 qola (162) medal jeńip alǵan japonııalyqtar ıe bolyp tur. Úzdik úshinshi orynda 37 altyn, 42 kúmis, 50 qola (129) medalǵa qol jetkizgen Ońtústik Koreıa sportshylar keledi.