Azıada-2018: Qazaqstan úshinshi altynnan keıin jalpy esepte bir saty joǵarylady
15:14, 24 Tamyz 2018
ASTANA. QazAqparat - Búgin Indonezııada ótip jatqan Jazǵy Azııa oıyndarynda Qazaqstan quramasy úshinshi altyn júldeni enshilegennen keıin jalpy esepte bir saty joǵarlady, dep habarlaıdy QazAqparat tilshisi.
Esterińizge sala keteıik, búgin velosporttan jekeleı synda qazaqstandyq Alekseı Lýtsenko jeńimpaz atanyp, úshinshi altyndy el qorjynyna salǵan bolatyn. Nátıjesinde Qazaqstan quramasy Azııa oıyndaryndaǵy jalpy esepte Mońǵolııany artqa syrǵytyp, 12-shi orynnan 11-shy orynǵa kóterildi.
Dál qazirgi esep boıynsha Qazaqstan enshisinde 3 altyn, 7 kúmis, 19 qola medal bar.