Azıada-2018: Qazaqstan qorjynyna 8-shi qola medal tústi

ASTANA. QazAqparat -   Indonezııada ótip jatqan HVIII Jazǵy Azııa oıyndarynda semserlesýden Qazaqstan áıelder quramasy el qorjynyna segizinshi qola medaldi saldy, dep habarlaıdy QazAqparat tilshisi.

QR UOK-tiń baspasóz qyzmeti málim etkendeı búgin búgin semserlesýden Qazaqstan áıelder komandasy Qazaqstan qorjynyna 14-shi júldeni saldy.

Tamara Pochekýtova, Áıgerim Sarybaı, Aıbıke Habıbýllına jáne Tatıana Prıhodko jartylaı fınalda Qytaı quramasyna jol berdi. Esep - 25:45.

Semserlesý sportynyń erejesi boıynsha, jartylaı fınalda jeńilis tapqan komanda avtomatty túrde qola júldege ıelik etedi.

Osylaısha, jaqynda ǵana Azııa chempıonatynan júldeli oralǵan semserlesýshi qyzdar Azııa oıyndarynda da úzdikter qataryna endi.

FOTO: Salı Sabırov, Qazaqstan UOK baspasóz qyzmeti