Azıada-2018: Qazaqstan qorjynyna 7-shi kúmis medal tústi

 ASTANA. QazAqparat  - Búgin Indonezııada ótip jatqan Jazǵy Azııa oıyndarynda Qazaqstan qorjynyna 7-shi kúmis medal tústi, dep habarlaıdy QazAqparat tilshisi.

QR UOK málim etkendeı, qazaqstandyq tennısshiler Denıs Evseev pen Aleksandr Býblık Azııa oıyndarynda kúmiske qol jetkizdi.

Tennısten erler arasyndaǵy juptasyp óner kórsetken sportshylarymyz fınalda úndistandyq sportshylarǵa ese jiberip, kúmis júldeni qanaǵat tutty. Qarsylastarymyz  6:3, 6:4 esebimen jeńiske jetti.

Bul bizdiń tennısshilerdiń Azııa oıyndaryndaǵy ekinshi medali.

Esterińizge sala keteıik, osyǵan deıin tennısten áıelder arasyndaǵy Danılına/Aınıtdınova juby qola medal jeńip alǵanyn jazǵan bolatynbyz. 

Aıta keteıik, dál qazirgi jalpy eseptik kórsetkishte Qazaqstan quramasy 2 altyn, 7 kúmis, 19 qola (28) medalmen 12-shi orynda kele jatyr. Azııa oıyndary 2-shi qyrkúıek kúni óz máresine jetedi.