Azıada-2018: Djakartada Azııa Olımpıada keńesiniń 71-shi otyrysy ótti
QR UOK baspasóz qyzmeti málim etkendeı, keshe Indonezııa astanasy Djakartada Azııa Olımpıada Keńesi (AOK) Atqarýshy komıtetiniń 71-shi otyrysy ótti.
Atalǵan habarlamada kórsetilgendeı, otyrysty AOK prezıdenti Sheıh Ahmad ál-Fahad ál-Sabah ashyp, ol Indonezııadaǵy Azııa oıyndary sońǵy ret 1962 jyly ótkenin atap ótken. Sondaı-aq, Djakarta men Palembangta bastaý alǵan kezekti qurlyq dodasyna qatysýshylar sanynyń kóbeıgenin qýanyshpen habarlady.
Ol sondaı-aq keıbir jarys túrlerinen Ońtústik jáne Soltústik Koreıanyń birtutas komanda retinde synǵa túsetini otyrysqa jınalǵandardy qýantyp tastaǵanyn da atap ótti.
Otyrys barysynda Indonezııa Olımpıada komıtetiniń, sonymen qatar, Oıyndy Uıymdastyrý komıtetiniń prezıdenti Erık Tohır Azıada ótkizý mindetin senip tapsyrǵany úshin Sheıhqa alǵysyn bildirdi. Tohırdiń aıtýynsha, mundaı sporttyq doda bolashaqta budan da úlken, kólemdi jarystardy ótkizýge muryndyq bolmaq.
Jıyn barysynda Azııa aımaǵy boıynsha AOK vıtse-prezıdentteriniń esebi men AOK halyqaralyq komıssııasy ókilderiniń baıandamasy tyńdaldy.
Atqarýshy komıtettiń otyrysynda 2019 jyly Qytaıdyń Hanchjoý aımaǵynda ótetin IX jazǵy Azııa oıyndaryna daıyndyq jaıy da ortaǵa salyndy.