Azıada-2018: Búgingi kún qola medalmen bastaldy
09:37, 23 Tamyz 2018
ASTANA. QazAqparat - Indonezııada ótip jatqan Jazǵy Azııa oıyndarynyń besinshi jarys kúni sátti bastaldy, dep habarlaıdy QazAqparat tilshisi.
QR UOK-niń baspasóz qyzmeti málim etkendeı, búgin Palembangta akademııalyq esýden fınaldyq básekeler bastaldy. Nátıjesinde áıelder arasyndaǵy jekeleı synda qazaqstandyq Aleksandra Opachanova máre syzyǵyn úshinshi bolyp kesip, Azııa oıyndarynyń qola júldegeri atandy.
Ol Qytaı jáne Taıpeı sportshylaryn alǵa jiberip, márege úshinshi bolyp keldi.
Osylaısha, búgingi jarys kúnindegi alǵashqy medal qorjynda. Bul akademııalyq esýden bıylǵy Azııa oıyndarynda jeńip alǵan tuńǵysh júldemiz.