Azıada-2018: Búgin boksshylardyń jerebe tartý rásimi ótedi
10:30, 23 Tamyz 2018
ASTANA. QazAqparat - Búgin Indonezııada ótip jatqan Jazǵy Azııa oıyndarynda boksshylardyń jerebe tartý rásimi ótedi, dep habarlaıdy QazAqparat tilshisi.
Bul týraly QazAqparat tilshisine bokstan Qazaqstan Ulttyq quramasynyń bas bapkeri Myrzaǵalı Aıtjanov aıtyp berdi.
Jakartada bokstan Qazaqstan namysyn 49 kelide - Temirtas Júsipov, 52 kelide - Azat Mahmetov, 56 kelide - Qaırat Eralıev, 60 kelide - Samatáli Toltaev, 64 kelide - Bekdáýlet Ibragımov, 69 kelide - Aslanbek Shymbergenov, al 74 kelide Ábilhan Amankul qorǵaıdy.
Aıta ketken jón, bıylǵy Azııa oıyndaryna 81, 91 jáne 91 keliden joǵary boksshylar qatyspaıdy.
Esterińizge sala keteıik, osydan tórt jyl buryn, ıaǵnı 2014 jyly Ońtústik Koreıanyń Inchhon qalasynda ótken Jazǵy Azııa oıyndarynda Qazaqstan boksshylary 6 altyn, 1 kúmis jáne 1 qola medal ıelenip, jalpykomandalyq esepte birinshi oryn alǵan bolatyn.