Azıada-2018: Apaly-sińlili qazaqstandyqtar qola júldeger atandy
11:42, 28 Tamyz 2018
ASTANA. QazAqparat - Indonezııada ótip jatqan Jazǵy Azııa oıyndarynda búgin sınhrondy júzýden apaly-sińlili qazaqstandyq qyzdar qola medalǵa ıe boldy, dep habarlaıdy QazAqparat tilshisi.
QR Ulttyq Olımpıadalyq komıtettiń baspasóz qyzmetiniń habarlaýynsha, Azııa oıyndaryndaǵy kezekti qola medaldi sınhrondy júzýshiler jeńip aldy.
Birinshi jarys kúninen soń úshinshi orynda turǵan apaly-sińlili Ekaterına men Aleksandra Nemıch týrnır qorytyndysy boıynsha úzdik úshtikke endi.
Nemıchter jalpy esebi 170.8845 upaı jınady. Al altyn medal alǵan qytaılyqtar 186.5101, kúmis júldeger atanǵan Japonııa komandasy 182.3363 upaı jınady.