Azıada-2017: Sapporoda Qazaqstan Týy kóterildi

ASTANA. QazAqparat - Búgin Japonııanyń Sapporo qalasynda VІІІ qysqy Azııa oıyndary aıasynda Atletıkalyq qalashyqta Qazaqstan Respýblıkasynyń Týy kóterildi, dep habarlaıdy «QazAqparat» tilshisi.

Azıada oıyndarynyń ashylý saltanaty 19 aqpan kúni bastalady. Sportshylar sherýinde elimizdiń jalaýyn shańǵy jarysynan bes dúrkin el chempıony Erdos Ahmadıev ustap shyǵady.  

Esterińizge sala keteıik, VIII qysqy Azıada oıyndary Japonııanyń Sapporo qalasynda 19-26 aqpan aralyǵynda ótedi. Oǵan 31 elden kelgen sportshylar 11 sport túri boıynsha 64 medal jıyntyǵyn sarapqa salady.  


Baıraqty dodada Qazaqstan namysyn qorǵaýǵa 153 sportshy attandy. Olardyń arasynda halyqaralyq deńgeıdegi túrli jarystarda jeńimpaz bolǵan mánerlep syrǵanaýshylar Denıs Ten, Elızabet Tursynbaeva, konkıshiler Roman Krech, Denıs Kýzın, Ekaterına Aıdova jáne shańǵyshy Nıkolaı Chebotko bar.

Jarystyń jabylý rásimi 26 aqpan kúni keshki saǵat 18:00-de ótedi dep josparlanǵan.