Ájethanadaǵy qyzdar tóbelesi: ShQO apellıatsııalyq soty úkimdi ózgerissiz qaldyrdy

ÓSKEMEN. QazAqparat – Shyǵys Qazaqstan oblysynda ájethanada stýdent qyzdy soqqyǵa jyqqan oqýshyǵa qatysty apellıatsııalyq sottyń sheshimi shyqty, dep habarlaıdy QazAqparat tilshisi.

Eske salsaq, osy jyldyń naýryz aıynda Óskemendegi «ADK» saýda ortalyǵynyń ájethanasynda oqýshy qyz kolledj stýdentin soqqyǵa jyqqan bolǵan.

Oblystyq Polıtsııa departamenti osyǵan qatysty QR Qylmystyq Kodeksiniń 293-baby 2-bóligi (buzaqylyq) boıynsha sotqa deıingi tergeý amaldary júrgizilip jatqanyn málim etken. Kóp uzamaı jelide kúdikti qyzdyń ákesi Antıkorda, al anasynyń qalalyq Bilim bóliminde jumys isteıtini týraly aqparat tarady. QR Sybaılas jemqorlyqqa qarsy is-qımyl agenttigi ShQO boıynsha departamentiniń basshysy Denıs Shakenov oqıǵaǵa qatysqan adamdardyń Antıkor qyzmetkerlerimen eshqandaı týystyq baılanysy joqtyǵyn habarlady.

Jábirlenýshi qyzdyń týǵan apaıy Toǵjan Dosýmova sińlisn soqqyǵa jyqqandar qomaqty aqsha talap etkenin aıtqan edi.

Shilde aıynda osy iske qatysty sot úkimi shyqqan bolatyn. Atalǵan is boıynsha 14 qyz tergeýge alynyp, tek úsh boıjetken aıyptalýshy dep tanylǵan. Sot sheshimimen 2 sottalýshy 3 jylǵa bas bostandyǵynan aıyrylsa, úshinshi qyz 1 jylǵa bas bostandyǵynan shekteldi. Sondaı jábirlenýshiniń paıdasyna 9 000 000 teńge somasynda moraldyq zııan ótelýi tıis.

Alaıda aıyptalýshy tarap bul sheshimmen kelispeı apellıatsııalyq sotqa shaǵym túsirgen.

ShQO soty baspasóz qyzmetiniń málimetine súıensek, sot úkimdi esh ózgerissiz qaldyrdy. Endi olar kassatsııalyq shaǵym túsire alady.