Ajar Ǵınııat Tarazdaǵy bala satý oqıǵasyna pikir bildirdi

ASTANA. QazAqparat – QR Densaýlyq saqtaý mınıstri Ajar Ǵınııat bala saýdasymen kúres qalaı júrip jatqanyn aıtty, dep habarlaıdy QazAqparat tilshisi.

«Meniń oıymsha, bizde mundaı jaǵdaılar shamamen bes jyl buryn bolǵan. Sodan keıin búkil perınataldyq ortalyqtar men perzenthanalarǵa beınebaqylaý ornattyq. Baladan bas tartqan analardyń janynda bolatyn mamandardyń, psıhologtardyń jumysyn uıymdastyrdyq. Osyndaı naqty jumystar júrgizildi», - dedi A. Ǵınııat.

Sonymen qatar mınıstr Tarazdaǵy oqıǵanyń mán-jaıyn naqty bilmeıtinin aıtty.

«Barlyq perzenthanada beınebaqylaý júıesi ornatylǵan. Dárigerler palatadaǵy jaǵdaıdy qarap otyrady. Alaıda jaqynda bolǵan oqıǵany nazarǵa ala otyryp, el boıynsha medıtsınalyq personalmen taǵy da tıisti jumysty atqaratyn bolamyz», - dedi mınıstr.

Budan buryn habarlanǵandaı, Tarazda jańa týǵan sábıdi 1,5 mln teńgege satqan akýsherler qamaýǵa alyndy.

Bıylǵy 12 qańtar kúni atalǵan derek boıynsha QR QK 135-babynyń 1-bóligimen sotqa deıingi tergeý bastalǵan.

Onyń barysynda 39 jastaǵy áıeldiń jańa týǵan qyz balany akýsherden 1,5 mln teńgege satyp alǵany áshkere bolǵan.