Ajar Ǵınııat MÁMS tólemeıtinderge kólik júrgizýge tyıym salýǵa qatysty túsinik berdi

<p>Densaýlyq saqtaý mınıstri Ajar Ǵınııat MÁMS tólemeıtinderge kólik júrgizýge tyıym salý tek usynys retinde qarastyrylyp jatqanyn jáne bul bastama qabyldanbaýy múmkin ekenin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform&nbsp;</a>agenttigi.</p>

Aıta keteıik, buǵan deıin saqtandyrylmaǵan adamdarǵa densaýlyq jáne osy salaǵa qatysty memlekettik qyzmetterdi alý kezinde tıisti shekteý engizý usynyldy. Máselen, kólik júrgizý, qarý-jaraq saqtaý jáne basqa da baǵyttarda osyndaı shekteýler qarastyrylmaq. 

Búgin Parlament Májilisinde densaýlyq saqtaý taqyrybyna arnalǵan Úkimet saǵatynan keıin tilshiler mınıstrden MÁMS júıesinde saqtandyrylmaǵan adamdarǵa kólik júrgizýge, qarý-jaraq saqtaýǵa jáne basqa da baǵyttarda osyndaı shekteýler engizý usynysy jaıynda surady.

«Bul usynysty qaı mınıstrlik jasap otyr?», - dep surady tilshiler.

Óz kezeginde A. Ǵınııat Densaýlyq saqtaý mınıstrligi birqatar eldiń tájirıbesin zerttep, osy usynysty jasaǵanyn aıtty.

«Atap aıtqanda, bul tek usynys. Ony zań júzinde qabyldaǵan joqpyz. Qazir túrli bastama pysyqtalyp jatyr jáne usynylǵan shekteýler qabyldanbaýy da múmkin. Jalpy, 5 jyl boıy medıtsınalyq saqtandyrýǵa qatysty zań talaptary oryndalmaı keledi. 3 mln adam medıtsınalyq saqtandyrý júıesinen tys qalyp otyr. Osynyń saldarynan adamdar medıtsınalyq kómekti tıisti deńgeıde almaı jatyr», - dedi mınıstr.

Budan buryn habarlanǵandaı, qazir medıtsınalyq qyzmetke júginýge májbúr 3 mln-nan astam adam saqtandyrý júıesinen tys qalǵan. 

Aýyldardaǵy 1,5 mln adamdy medıtsınalyq saqtandyrý bıýdjet esebinen bolady.