Ajar Ǵınııat qyzylshadan vaktsına almaýdyń saldaryn atady

<p>Densaýlyq saqtaý mınıstri Ajar Ǵınııat Úkimet otyrysynda qyzylshaǵa qarsy ekpeden bas tartý qandaı aýrýlarǵa jol ashatynyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Vaktsınatsııadan bas tartý kóbinese múgedektikke jáne ólimge ákeletin kókjótel, dıfterııa, polıomıelıt, V gepatıti sııaqty vaktsınamen basqarylatyn umytylǵan ınfektsııalardyń órshýine ákeledi», – dedi mınıstr.

Ajar Ǵınııat ata-analarǵa balalaryn qyzylshadan qorǵaý úshin ne isteý kerektigin tizip shyqty.

«Densaýlyq saqtaý mınıstrligi ata-analarǵa balalarynyń vaktsınatsııasyn tekserip (vaktsınatsııa pasporty – red.), ýaqtyly ımmýndaý sharalaryn qabyldaýdy usynady.

Dene temperatýrasynyń joǵarylaýy, murynnyń aǵýy, álsizdik, bórtpe sııaqty qyzylsha aýrýynyń belgileri paıda bolsa, medıtsınalyq kómekke júginińiz. Óz betińizben emdemeńiz, vaktsınalar týraly senimdi aqparatty qoldanyńyz», – dedi vedomstvo basshysy.

Aıta keteıik, búgin Úkimet otyrysynda A.Ǵınııat tek qarasha aıynda 6 myńnan astam qazaqstandyq qyzylsha juqtyrǵanyn málim etti. Onyń ishinde 30 bala jansaqtaý bóliminde jatyr. 

Premer-Mınıstr Álıhan Smaıylov mundaı qaýipti vırýspen vaktsınalaýdan ózge jolmen kúresý múmkin emes ekendigin atap ótti.