Ajar Ǵınııat Qazaqstanǵa qyzylsha qaıdan kelgenin aıtty

ASTANA. QazAqparat – Elimizde kóbine ekpe almaǵan balalar qyzylsha juqtyryp jatyr. Bul týraly Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.

«Qyzylshanyń taraýy kóp elde baıqalyp otyr, onyń ishinde Qazaqstan da bar. Jyl basynan 2 myńǵa jýyq bala qyzylsha juqtyrǵan. Olardyń kóbi ekpe almaǵan balalar, sonymen qatar syrttan alyp keldi. Balalar alys-jaqyn shet memleketterge demalysqa barady. Іndetti ýshyqtyrmaý maqsatynda qyzylshaǵa qarsy ekpe almaǵan balalardyń ata-analarymen profılaktıkalyq, túsindirý jumystary júrip jatyr», - dedi Ajar Ǵınııat Úkimet otyrysynan keıin BAQ ókilderiniń saýalyna jaýap bere turyp.

Sondaı-aq mınıstr qyzylshanyń qandaı elderden kelgenin aıtty.

«Jyl basynda qyzylsha juqtyrý Túrkııa men Reseıden kelgenderden tirkeldi. Keıin onyń taraýy arta bastady. Óńirler boıynsha Astanada joǵary», - dedi vedomstvo basshysy.

Aıta ketsek, keshe elordaǵa birneshe elden kelgen azamattardan qyzylsha anyqtalǵany týraly habarlaǵan edik.